Fjármálastarfsemi. Tilmæli. Gengistryggingarákvæði. Fyrirspurnarbréf.
(Mál nr. 6077/2010 - Fyrirspurnarbréf umboðsmanns Alþingis)

Í tilefni af kvörtun og ábendingum sem umboðsmanni bárust vegna tilmæla sem Fjármálaeftirlitið og Seðlabanki Íslands sendu til fjármálafyrirtækja 30. júní sl. vegna óskuldbindandi gengistryggingarákvæða í lánasamningum óskaði umboðsmaður eftir viðhorfum umræddra stofnana til kvörtunarinnar. Í bréfi til stofnananna óskaði umboðsmaður þess m.a. að stofnanirnar skýrðu á hvaða lagagrundvelli þær teldu sér heimilt að beina tilmælum til fjármálafyrirtækja um hvernig þau skyldu haga meðferð og uppgjöri, þ.m.t. vaxtakjörum, í þegar gerðum einkaréttarlegum lánasamningum við viðskiptamenn sína ef tilmælin vikju að efni til frá ákvæðum lánasamninganna. Umboðsmaður óskaði í bréfunum jafnframt eftir svörum stofnananna við tilteknum spurningum og að fá afhent afrit af þeim gögnum sem kynna að hafa verið tekin saman eða aflað við undirbúning að útgáfu tilmælanna. Umboðsmaður óskaði þess að svör stofnananna yrðu send honum eigi síðar en 16. júlí nk.