Starfsmenn á skrifstofu umboðsmanns Alþingis

Umboðsmaður Alþingis:
Tryggvi Gunnarsson var endurkjörinn umboðsmaður Alþingis á fundi Alþingis 13. desember 2007 til fjögurra ára.

Hinn 1. janúar 2009 var Róbert R. Spanó, prófessor við lagadeild Háskóla Íslands, settur af hálfu forsætisnefndar Alþingis tímabundið í embætti umboðsmanns á meðan kjörinn umboðsmaður, Tryggvi Gunnarsson, gegnir störfum í rannsóknarnefnd Alþingis, sbr. lög nr. 142/2008 um rannsókn á aðdraganda og orsökum falls íslensku bankanna 2008 og tengdra atburða. Róbert sinnir daglegum störfum umboðsmanns en nánari verkaskipting er ákveðin af kjörnum umboðsmanni.

Í samræmi við 3. mgr. 14. gr. laga nr. 85/1997, um umboðsmann Alþingis, eins og henni var breytt með lögum nr. 142/2008, er verkaskiptingu á milli kjörins og setts umboðsmanns þannig háttað að settur umboðsmaður fer með yfirstjórn skrifstofu umboðsmanns og annast rekstur hennar meðan kjörinn umboðsmaður sinnir starfi nefndarmanns í rannsóknarnefnd Alþingis samkvæmt lögum nr. 142/2008, eftir atvikum að höfðu samráði við kjörinn umboðsmann. Þá fjallar settur umboðsmaður um allar kvartanir sem embættinu berast á meðan á leyfi kjörins umboðsmanns stendur og tekur ákvarðanir um hvort hefja skuli athuganir að eigin frumkvæði, sbr. 5. gr. laga nr. 85/1997. Ef settur umboðsmaður telst vanhæfur til að fjalla um mál tekur kjörinn umboðsmaður afstöðu til þess hvort hann fjallar sjálfur um málið eða óskar eftir því að forseti Alþingis setji annan mann til að fara með málið, sbr. 2. mgr. 14. gr. laga nr. 85/1997. Vegna þeirra mála sem til umfjöllunar voru hjá umboðsmanni Alþingis 1. janúar 2009 tók settur umboðsmaður við afgreiðslu þeirra nema í þeim málum þar sem settur umboðsmaður taldist vanhæfur til að fjalla um þau. Kjörinn umboðsmaður fjallar því áfram um þau mál og annast afgreiðslu þeirra.

Aðrir starfsmenn:
Berglind Bára Sigurjónsdóttir, lögfræðingur,                                     Erna Guðrún Sigurðardóttir, lögfræðingur,                                     Finnur Þór Vilhjálmsson, lögfræðingur,                                
Hafsteinn Dan Kristjánsson, lögfræðingur,                                Hafsteinn Þór Hauksson, skrifstofustjóri,                                                Ingibjörg Þóra Sigurjónsdóttir, rekstrarstjóri,                                  Margrét María Grétarsdóttir, lögfræðingur,               
Ottó Björgvin Óskarsson, lögfræðingur,                                          Særún María Gunnarsdóttir, lögfræðingur.